Sterilisa

Pakiko sterilisa?
2 cacho cu ta wordo duna e oportunidad pa sigui traha puppies sin ningun control y ta brinda nan puppies tambe e mesun oportunidad pa continua e ciclo aki, lo resulta den un number alarmante di 72.000 cacho cu a nace di e 2 cachonan original den un periodo di 7 anja.
Sterilizacion pa macho y hembra ta un operacion chiquito na unda nan ta kita e organonan productivo pa asina evita cu cacho y pushi por sigui produci.
Sterilizacion di un cacho/pushi hembra lo contrubui pa e bira un mihor mascota. E lo elimina cu nan ta bira loops cu hopi biaha ta causa comportacion indesea manera, yoramento, cana riba bao, bishita indesea di animalnan macho y tambe cu e ta sangra durante cu e ta loops.
Sterilizacion di un cacho/pushi macho hopi biaha ta elimina e necesidad pa marka su teritorio, subi pia di hende, muebles y otro animalnan, e gana pa core caya y hopi biaha comportacion agresivo.
Tur animal lo beneficia cu un mihor salud. Cancer di pecho ta un malesa comun bao di mitar di cachonan cu no ta sterilisa. Sin embargo esaki por wordo elimina casi full si e cacho wordo sterilisa prome cu e bira loops pa prome biaha. Pushi tin menos chens pa hanja tumor den pecho pero si nan hanja un tumor casi semper e ta maligno. Sterilisacion lo reduci e riegso aki dramaticamente. Mas o menos 60% di cachonan cu no ta sterilisa lo sufri di problemanan genital. Cacho y pushi tin menos chens pa hanja cancer di prostaat si nan wordo sterilisa y lo minimalisa e riesgo pa hanja tumornan di testiculo. Animalnan hembra ta evita hanja malesanan di matriz, manera “pyometra” cu ta un infeccion di matriz.